Hozirda respublikamizning barcha hududlarida oliy ta’lim muassasalari talabalari o‘rtasida “Universiada–2025” sport musobaqalari qizg‘in pallaga kirib bormoqda.
O‘zbekiston davlat jismoniy tarbiya va sport universitetida Universiada–2025 sport musobaqalarining badminton turi bo‘yicha Respublika final bosqichi boshlandi.
Musobaqaning ochilish marosimida so‘zga chiqqanlar ushbu sport musobaqalari nafaqat talaba-yoshlarni sportga keng jalb etish, balki ular o‘rtasida do‘stlik munosabatlarini o‘rnatish va jamoa bo‘lib harakat qilishga xizmat qilayotganini alohida qayd etdilar.
Ushbu bosqichda respublikamizning barcha hududlaridan 120 ga yaqin talabalar yakkalik, juftlik hamda aralash dasturlarda g‘oliblik uchun bahs olib bormoqda.
