"Milan" hujumchisi Temmi Abraxam Italiya kubogi 1/4 finalida "Roma"ga qarshi o‘yinda (3:1) dubl qayd etdi.
Angliyalik futbolchi o‘yinning 16 va 42-daqiqalarida rimliklar darvozasini ishg‘ol qildi. Eslatib o‘tamiz, forvard "Roma"ga tegishli, u "Milan"da ijara asosida o‘ynaydi.
"G‘alabadan juda xursandman, biz bunga haqli edik. Endi tiklanib, keyingi o‘yinga tayyorgarlik ko‘rishimiz kerak.
"Roma" muxlislari menga hushtak chalishyaptimi? Bu yoqimsiz holat, lekin futbolda shunday bo‘ladi", dedi 27 yoshli futbolchi.













