"Милан" ҳужумчиси Тэмми Абрахам Италия кубоги 1/4 финалида "Рома"га қарши ўйинда (3:1) дубл қайд этди.
Англиялик футболчи ўйиннинг 16 ва 42-дақиқаларида римликлар дарвозасини ишғол қилди. Эслатиб ўтамиз, форвард "Рома"га тегишли, у "Милан"да ижара асосида ўйнайди.
"Ғалабадан жуда хурсандман, биз бунга ҳақли эдик. Энди тикланиб, кейинги ўйинга тайёргарлик кўришимиз керак.
"Рома" мухлислари менга ҳуштак чалишяптими? Бу ёқимсиз ҳолат, лекин футболда шундай бўлади", деди 27 ёшли футболчи.













