Angliya Premyer-ligasi klublari qishki transfer oynasini ikki haftaga qisqartirish va yozgi transfer oynasini mavsum boshlanishidan oldin yopish haqida o‘ylashmoqda. Bu haqda "Telegraph" nashri xabar bermoqda.
Manbaga ko‘ra, Angliya chempionati klublarining maqsadi mavsum boshlanganidan keyin futbolchilarning ehtimoliy transferlari bilan bog‘liq bo‘lgan murabbiylar va jamoalar uchun noqulayliklarni minimallashtirishdir.
Ta’kidlanishicha, transfer oynalari vaqtini o‘zgartirish bo‘yicha muhokama 6 fevral, payshanba kuni Premyer-liganing 20ta klubi sport direktorlari yig‘ilishida bo‘lib o‘tgan. Klub egalari, rahbarlari va boshqa asosiy arboblari kelasi hafta o‘yinchilar bir jamoadan boshqasiga o‘tishi mumkin bo‘lgan vaqt oralig‘ida ovoz berish uchun yig‘ilishadi.
