Xvicha Kvarasxeliya "PSJ" safidagi ilk goli haqida fikr bildirdi.
Fransiya chempionatining 21-turi doirasidagi "Monako"ga qarshi o‘yinning 54-daqiqasida vinger jamoasini oldinga olib chiqdi – 2:1. O‘yin parijliklarning 4:1 hisobidagi g‘alabasi bilan yakunlandi.
"Bu stadionda, muxlislarimiz oldida gol urish eng yaxshi tuyg‘u. Birinchi gol tezroq amalga oshishini istardim.
Biz bu ajoyib jamoaga yordam berish uchun ko‘p mehnat qilishda davom etishimiz kerak. Hamma menga juda yaxshi munosabatda, men bu yerda ekanligimdan xursandman", dedi Xvicha.
