Bugun, 8 fevral kuni Xitoyning Harbin shahrida o‘tayotgan IX qishki Osiyo o‘yinlari dasturida doirasida 8 ta sport turidagi bahslar o‘tkazilib, ularning 7 tasida sovrinli o‘rinlar uchun kurashlar bo‘lib o‘tadi.

Kun davomida O‘zbekiston terma jamoasining 5 nafar vakili saralash va sovrinli o‘rinlar uchun kechadigan kurashlarda o‘z omadini sinovdan o‘tkazadi.

Short-trek bo‘yicha O‘zbekiston sharafini himoya qilayotgan Daniil Yeybog 500 va 1000 metr masofada 1/4 final dasturidagi ishtirokini davom ettirsa, 1500 metrda kechadigan yarim final va final musobaqalarida o‘z mahoratini namoyish etadi.

Shuningdek, tog‘ chang‘ichilarimiz Sabina Rejepova, Valeriya Kovalyova, Kseniya Grigoryeva va Mariya Morozova Osiyo o‘yinlarida Janubiy Koreya, Yaponiya, Xitoy kabi 11 ta davlatning 45 nafar sportchisi bilan qit’a o‘yinlarining medallari uchun kurashga kirishadi.

Eslatib o‘tamiz, 14 fevralga qadar davom etadigan “kichik olimpiada"ning qishki o‘yinlarida 34 ta davlat sportchilari 11 ta sport turining 64 ta medallar jamlanmasi uchun kurash olib bormoqda.