Ispaniya chempionatining 23-turidan o‘rin olgan markaziy o‘yinda “Real Madrid” “Atletiko”ni qabul qilib, 1:1 hisobida durang o‘ynadi. "Qirollik" klubining sobiq hujumchisi Predrag Miyatovich Madrid derbisi haqidagi fikrlari bilan o‘rtoqlashdi.
"Har bir jamoa bir taymda g‘alaba qozondi. Birinchisida mehmonlar, ikkinchisida esa “Real” kuchliroq edi. Aytmoqchimanki, derbidagi durang yaxshi natija, chunki "qaymoqranglilar" turnir jadvalidagi peshqadamlikni saqlab qolishdi", - deydi Miyatovich.
Ushbu o‘yindan keyin Karlo Anchelotti shogirdlari 50 ochko bilan La Liga turnir jadvalida birinchi o‘rinni egallab turibdi.
