Испания чемпионатининг 23-туридан ўрин олган марказий ўйинда “Реал Мадрид” “Атлетико”ни қабул қилиб, 1:1 ҳисобида дуранг ўйнади. "Қироллик" клубининг собиқ ҳужумчиси Предраг Миятович Мадрид дербиси ҳақидаги фикрлари билан ўртоқлашди.
"Ҳар бир жамоа бир таймда ғалаба қозонди. Биринчисида меҳмонлар, иккинчисида эса “Реал” кучлироқ эди. Айтмоқчиманки, дербидаги дуранг яхши натижа, чунки "қаймоқранглилар" турнир жадвалидаги пешқадамликни сақлаб қолишди", - дейди Миятович.
Ушбу ўйиндан кейин Карло Анчелотти шогирдлари 50 очко билан Ла Лига турнир жадвалида биринчи ўринни эгаллаб турибди.
