"Adana Demirspor" prezidenti "Galatasaroy" qarshi o‘yindagi mojarodan keyin iste’foga chiqdi.

Turkiya chempionatining 23-turidan o‘rin olgan jamoalar o‘rtasidagi o‘yinning birinchi bo‘limi boshida hakam O‘g‘uzxon Chaqir “Adana Demirspor” himoyachisi Semih Gyuler hujumchi Dris Mertensga nisbatan qoida buzgan deb hisoblab, penalti belgiladi.

“Adana Demirspor” rahbariyati penaltidan norozilik bildirib, jamoani maydondan olib chiqib ketishga qaror qildi. Keyinchalik o‘yin bekor qilindi. "Galatasaroy" bosh murabbiyi Okan Buruk mehmonlar maydonni tark etganidan keyin bergan intervyusida penalti noto‘g‘ri belgilanishi mumkinligini aytdi.

Maydonni tark etish qarori hakamlar qo‘mitasi va Turkiya futbol federasiyasiga qarshi norozilik sifatida qabul qilingan, deya keyinroq bir necha klub rasmiylari ma’lum qildi.

Prezident Bedirhan Durak bugun ertalab iste’foga chiqishini e’lon qildi.

"Endi men boshi berk ko‘chaga kirganimizni qayg‘u bilan ko‘rmoqdaman. Klubim, oilam, yaqinlarim va sog‘ligim uchun men prezidentlikdan iste’foga chiqqanimni e’lon qilaman" - dedi Durak.