"Chelsi" "Qayrat"dan 16 yoshli qozog‘istonlik futbolchini sotib oldi.
Klublar 16 yoshli hujumchi Dastan Satpayevning transferi borasida kelishuvga erishgan. Avvalroq inglizlar 2+1,6 million funt to‘lashi, futbolchining shartnomasi esa 5 yilga mo‘ljallangani xabar qilingandi.
2026 yilning yozida, balog‘at yoshiga yetganidan so‘ng, u rasman "Chelsi"ga o‘tadi va shu vaqtgacha Satpayev "Qayrat"da o‘ynashda davom etadi.
U Qozog‘iston yoshlar futbol ligasida ikki mavsumda 28 ta o‘yin o‘tkazib, 26 ta gol va 10 ta golli uzatmani, shuningdek, UEFA Yoshlar ligasida 4 ta o‘yin, 1 ta gol va 1 ta golli uzatmani amalga oshirgan.
