Kataloniyaning "Barselona" klubi hujum chizig‘ini kuchaytirish uchun ustuvor variantga qaror qildi. Bu haqda Todofichajes sahifalarida xabar berilgan.
Manba bergan xabarga ko‘ra, "ko‘k-anorranglilar" Fransiya chempionatida "Lill"da to‘p o‘ynayotgan kanadalik hujumchi Jonatan Devidga qiziqish bildirmoqda.
Futbolchining transfer qiymati 45 million yevroga baholangan va uning mehnat shartnomasi 2025 yilning iyun oyi oxirigacha tuzilgan.
Fransiya chempionatining joriy mavsumida Devid 20 ta o‘yin o‘tkazdi. 25 yoshli hujumchi 12 ta gol urdi va 3 ta golli uzatmani amalga oshirdi.
