«Dinamo» jamoasi Superliga-2025 mavsumiga tayyorgarlikning so‘nggi bosqichini Birlashgan Arab Amirliklarida o‘tkazadi.

Vadim Abramov murabbiyligidagi jamoa 12 fevralda Toshkentdan Dubay shahriga jo‘nab ketib, 12 kun davomida 4ta o‘rtoqlik uchrashuvida maydonga tushishi rejalashtirilgan.

Jumladan, Samarqand klubi 15 fevral kuni RPL yetakchilaridan biri «Lokomotiv» Moskva, 17 fevral kuni Tojikistonning amaldagi chempioni «Istiqlol» Dushanbe, 20 fevralda Qozog‘istonning ko‘p karra chempioni, o‘tgan mavsum Konferensiyalar ligasi ishtirokchisi bo‘lgan «Astana» klubiga qarshi o‘rtoqlik o‘yinida maydonga tushadi. 22 fevral kungi 4-o‘rtoqlik o‘yinida yana «Lokomotiv» bilan uchrashuv o‘tkazilishi rejalashtirilgan. «Dinamo» 24 fevral kuni O‘zbekistonga qaytadi.

BAAdagi o‘rtoqlik o‘yinlari taqvimi:

15 fevral. «Dinamo» - «Lokomotiv» (Rossiya)
17 fevral. «Dinamo» - «Istiqlol» (Tojikiston)
20 fevral. «Dinamo» - «Astana» (Qozog‘iston)
22 fevral. «Dinamo» - «Lokomotiv» (Rossiya)