Chempionlar ligasining ilk pley-off o‘yinida Myunxenning "Bavariya" jamoasi safarda "Seltik" mehmoni bo‘lib, 2:1 hisobida g‘alaba qozondi. Nemis grandi hujumchisi Xarri Keyn ushbu uchrashuv haqida gapirdi.
"Biz yaxshi o‘ynadik. Biz yaxshiroq o‘ynashimiz mumkin bo‘lgan vaziyatlar bo‘ldi, lekin umuman olganda jamoa kerakli daqiqalarda gol urishga muvaffaq bo‘ldi. Bu yerda o‘ynash oson emas, shuning uchun g‘alabadan xursand bo‘lishimiz mumkin. O‘yin so‘nggida raqib bizga bosim o‘tkazdi, biroq biz bu bosimga chiday oldik", — dedi ingliz futbolchisi.
