Rafael Varan Krishtianu Ronalduning intilishlari haqida fikr bildirdi.  

– Unga nimalar ta’sir qiladi – o‘yinga bo‘lgan muhabbatmi yoki statistika, futbolga bo‘lgan mehrmi yoki iz qoldirish istagi?  

– Ham u, ham bu. U rekordlar borasida daxlsiz bo‘lishni, agar imkoni bo‘lsa, futbolda ming yillar davomida o‘chmas iz qoldirishni istaydi. Ammo u buning uchun jamoa kerakligini biladi. Albatta, u o‘zini shaxsiyat sifatida namoyon qilishni xohlaydi, ammo unga jamoaviy asos va boshqa insonlar kerakligini tushunadi, va bu uni haqiqiy yetakchiga aylantiradi.  

40 yoshidagi asosiy motivasiyasini tahlil qilish qiyin, chunki u hamma narsani yutib bo‘lgan, ammo bu moliyaviy manfaat emas. Aksincha, bu me’yordan tashqari chiqish istagi, va mumkin qadar chegaralarni kengaytirish.  

– U «Tarixdagi eng yaxshi o‘yinchi – menman» deganida, bu shunday eshitiladiki, go‘yoki u...  

– Ha, chunki u katta shaxsiyat, biroq shu bilan birga yodda qolishni ham xohlaydi. Ammo bir kamroq ko‘rinadigan tomonni ham unutmaslik kerak: u rostan ham o‘rganishni va bilimlari bilan o‘rtoqlashishni yaxshi ko‘radi.  

U savollar beradi, o‘zidan so‘ralganlariga javob qaytaradi, futbolga aloqador bo‘lmagan hayotiy mavzular haqida ham gapiradi. U turli sohalarga sarmoya kiritadi va har biridan nimadir o‘rganadi.  

U juda ochiq, juda aqlli, barcha tillarni o‘rganishga harakat qiladi va bilimga bo‘lgan ulkan tashnalikka ega, – dedi «Real» va «Manchester Yunayted»ning sobiq himoyachisi.