Tyago Alkantara yaqin orada "Barselona" murabbiylar shtabiga qaytmaydi.

U o‘tgan yilning yozida Xans-Diter Flikning yordamchilaridan biri bo‘lib ishlagandi, ammo avgust oyidayoq lavozimni tark etdi. Yil oxirida ispaniyalikning qaytishi mumkinligi ma’lum bo‘ldi. «Catalunya Radio» ma’lumotiga ko‘ra, mashhur sobiq yarim himoyachi joriy mavsum oxirigacha "Barselona"ga qaytmaydi, biroq klub bu variantni kelasi yozda ko‘rib chiqadi.

Tyago Alkantara "ko‘k-anorranglilar" tarbiyalanuvchisi hisoblanadi. U 2013 yilda Kataloniya grandi safini tark etgan, shundan so‘ng "Bavariya" va "Liverpul"da o‘ynagan, 2024 yilda esa butsalarini mixga ilib, murabbiylik faoliyatini boshlagan.