Тьяго Алькантара яқин орада "Барселона" мураббийлар штабига қайтмайди.

У ўтган йилнинг ёзида Ханс-Дитер Фликнинг ёрдамчиларидан бири бўлиб ишлаганди, аммо август ойидаёқ лавозимни тарк этди. Йил охирида испанияликнинг қайтиши мумкинлиги маълум бўлди. «Catalunya Radio» маълумотига кўра, машҳур собиқ ярим ҳимоячи жорий мавсум охиригача "Барселона"га қайтмайди, бироқ клуб бу вариантни келаси ёзда кўриб чиқади.

Тьяго Алькантара "кўк-анорранглилар" тарбияланувчиси ҳисобланади. У 2013 йилда Каталония гранди сафини тарк этган, шундан сўнг "Бавария" ва "Ливерпуль"да ўйнаган, 2024 йилда эса бутсаларини михга илиб, мураббийлик фаолиятини бошлаган.