Xabaringiz bor, avvalroq Liga Superliga klublari stadionlarini ro‘yxatdan o‘tkazgandi. Unga ko‘ra, «Surxon» klubi uzoq muddatli tanaffusdan so‘ng o‘z uy uchrashuvlarini «Surxon arena»da o‘tkazishi kutilmoqda.

13 fevral kuni Liga mutaxassislari va televideniye vakillari «Surxon arena»dagi holat bilan tanishdi. Stadion chimi maxsus tekshiruvdan o‘tkazildi, projektorlar berayotgan yorug‘lik o‘lchandi. Stadion texnik hududi, kiyinish xonalari va boshqa muhim qismlar ko‘zdan kechirildi. Tegishli kamchiliklar bo‘yicha zaruriy ko‘rsatmalar berildi.

E’tiborlisi, «Surxon arena»da O‘zbekistondagi birinchi stasionar VAR xonasi tashkil qilinmoqda. Kecha VAR tizimi bo‘yicha yetakchi bo‘lgan Buyuk Britaniyaning Hawk Eye kompaniyasi mutaxassislari arenada ish boshladi. Yangi mavsumdan «Surxon arena» o‘zining shaxsiy VAR tizimiga ega bo‘ladi. Bu esa yo‘l xarajatlari va logistika muammolarini to‘liq bartaraf etadi.