"Real Madrid" bosh murabbiyi Karlo Anchelotti o‘z jamoasi ishtirokidagi La Liga o‘yinlaridagi hakamlik haqida gapirdi.

Eslatib o‘tamiz, Ispaniya chempionatining 24-turida “qaymoqranglilar” “Osasuna” bilan durang o‘ynashdi (1:1) va uchrashuv bosh hakami Xose Munuyera Montero yarim himoyachi Jud Bellingemni hakamni haqorat qilgani uchun maydondan chetlatgan edi.

"Ushbu uchta o‘yinda g‘alati voqealar sodir bo‘ldi va buni hamma ko‘rdi. Men ko‘proq gapirishni xohlamayman.

VAR raqib jarima maydonchasidagi lahzalarni tekshirmaganini hamma ko‘rdi, lekin bizga kelganda ularni tekshirdi. Bu muammo.

Bo‘lmasligi kerak bo‘lgan narsa yuz berdi. Biz kurashishimiz va davom etishimiz kerak", - deya Anchelottining so‘zlarini keltiradi Goal.com.