"Liverpul" darvozaboni Alisson Beker katta ehtimol bilan klubdagi so‘nggi mavsumini o‘tkazmoqda.

Braziliyalik futbolchining shartnomasi 2027 yilda yakuniga yetadi, ammo "qizillar" rahbariyati darvozabon bilan kelasi yozdayoq xayrlashishga tayyor. TEAMtalk xabariga ko‘ra, yangi mavsumdan boshlab "Liverpul" "Valensiya"dan jamoaga keladigan Georgiy Mamardashviliga ishonishi mumkin.

Alisson joriy mavsumda 22 ta o‘yinda maydonga tushib, o‘z darvozasidan 18 ta gol o‘tkazib yubordi va 9 marta darvozasini daxlsiz saqlab qoldi. Manbaga ko‘ra, 32 yoshli kiper Yevropada qolishni afzal ko‘radi - u Saudiya Arabistoniga ko‘chib o‘tish istagida emas.