"Ливерпуль" дарвозабони Алиссон Бекер катта эҳтимол билан клубдаги сўнгги мавсумини ўтказмоқда.
Бразилиялик футболчининг шартномаси 2027 йилда якунига етади, аммо "қизиллар" раҳбарияти дарвозабон билан келаси ёздаёқ хайрлашишга тайёр. TEAMtalk хабарига кўра, янги мавсумдан бошлаб "Ливерпуль" "Валенсия"дан жамоага келадиган Георгий Мамардашвилига ишониши мумкин.
Алиссон жорий мавсумда 22 та ўйинда майдонга тушиб, ўз дарвозасидан 18 та гол ўтказиб юборди ва 9 марта дарвозасини дахлсиз сақлаб қолди. Манбага кўра, 32 ёшли кипер Европада қолишни афзал кўради - у Саудия Арабистонига кўчиб ўтиш истагида эмас.
