"Liverpul" himoyachisi Virjil van Deyk "Vulverxempton" ustidan qozonilgan g‘alabadan so‘ng (2:1) gapirdi.

"Biz 90 daqiqa ustunlik qilishni istardik, ammo bu Premyer-liga. “Vulverxempton o‘z raqibini jazolashga va imkoniyatlar yaratishga qodir, ammo biz kurashni davom ettirdik va uch ochkoni qo‘lga kiritdik.

Kunya xavfli futbolchi va biz buni bilardik. Afsuski, u bugun gol urdi. Men "bo‘rilar"ga ularning o‘yin uslubi, chiziqlar orasida erkin futbolchini topishi uchun minnatdorchilik bildiraman.

Ba’zida biz ehtiyotsizlik qildik va to‘pni yaxshi ushlab tura olmadik", dedi van Deyk.