Huquqlari "PSJ"ga tegishli bo‘lgan hujumchi Randal Kolo-Muani kelasi mavsumda ham "Yuventus"da o‘ynashda davom etadi.
Joriy mavsum oxirigacha mo‘ljallangan fransuzning ijarasi yana bir yilga uzaytiriladi - klublar allaqachon prinsipial kelishuvga erishgan, deya xabar bermoqda jurnalist Paolo Barjida. Bitim "keksa sinyora"ga 6 mln yevroga tushadi. 2026 yilning yozida "Yuventus" hujumchini "PSJ"dan to‘liq sotib olishi kutilmoqda.
Randal Kolo-Muani turinliklar safida beshta o‘yinda beshta gol urdi va bitta golli uzatmani amalga oshirdi.













