O‘tgan yozda "Bayer" Nordi Mukiyeleni "PSJ"dan ijaraga olgandi. O‘ng qanot himoyachisi Leverkuzenda o‘zini qulay his qilmoqda va uning o‘yinlari hafta sayin yaxshilanib bormoqda. Biroq mavsum yakunida fransiyalik futbolchi "PSJ"ga qaytishi kerak, chunki shartnomada sotib olish varianti yo‘q.

"Bayer" to‘liq transfer haqida o‘ylamoqda. Klub sport direktori Saymon Rolfes yakuniy xulosa chiqarishga hali erta ekanligini aytdi.

"Hozircha baho berishga erta. Ammo Nordi qiyin startdan keyin yaxshi rivojlanmoqda, jamoaga to‘liq singib ketdi va sifatli futbol ko‘rsatmoqda", - deydi Rolfes.

Joriy mavsumda 27 yoshli himoyachi “Bayer” safida barcha turnirlarda 18 ta o‘yin o‘tkazib, 1 ta gol va 1 ta golli uzatmani amalga oshirdi.