Ўтган ёзда "Байер" Норди Мукиелени "ПСЖ"дан ижарага олганди. Ўнг қанот ҳимоячиси Леверкузенда ўзини қулай ҳис қилмоқда ва унинг ўйинлари ҳафта сайин яхшиланиб бормоқда. Бироқ мавсум якунида франциялик футболчи "ПСЖ"га қайтиши керак, чунки шартномада сотиб олиш варианти йўқ.
"Байер" тўлиқ трансфер ҳақида ўйламоқда. Клуб спорт директори Саймон Ролфес якуний хулоса чиқаришга ҳали эрта эканлигини айтди.
"Ҳозирча баҳо беришга эрта. Аммо Норди қийин стартдан кейин яхши ривожланмоқда, жамоага тўлиқ сингиб кетди ва сифатли футбол кўрсатмоқда", - дейди Ролфес.
Жорий мавсумда 27 ёшли ҳимоячи “Байер” сафида барча турнирларда 18 та ўйин ўтказиб, 1 та гол ва 1 та голли узатмани амалга оширди.
