Xabaringiz bor, o‘tgan hafta davlatimiz rahbari Shavkat Mirziyoyev sport masalalari yuzasidan videoselektor yig‘ilishi o‘tkazgan edi. Unda mazkur sohadagi muammo va yutuqlar aytilib, kelgusida sport sohasini yanada yuksaltirish borasida muhim topshiriqlar berilgan edi.
Shu munosabat bilan Respublika olimpiya va paralimpiya sport turlariga tayyorlash markazida belgilangan vazifalar ijrosini ta’minlashga qaratilgan uchrashuv bo‘lib o‘tdi. Unda Chilonzor tumani hokimi o‘rinbosari, markaz direktori va jamoasi hamda tumandagi barcha sport muassasalari vakillari ishtirok etdi.
Tadbirda Prezidentimiz raisligida o‘tgan videoselektor yig‘ilishida ko‘tarilgan masalalar va bajarilishi lozim bo‘lgan ishlar yana bir bor ta’kidlandi. Bugun yurtimizda sportning barcha turlariga, shuningdek, ommaviy sportni rivojlantirishga davlat siyosati darajasida e’tibor qaratilayotgani, endi sohaning hech bir vakili chetda kuzatuvchi bo‘lib turmasligi lozimligi alohida aytib o‘tildi.
Yig‘ilishda soha mutaxassislarining fikr va takliflari tinglandi. Mavjud muammo hamda kamchiliklarga birgalikda yechim topish zarurligi borasida fikr almashildi va kelgusidagi faoliyat va vazifalar belgilab olindi.
