"PSJ" bosh murabbiyi Luis Enrike Chempionlar ligasi pley-off bosqichi doirasidagi "Brest"ga qarshi ikkinchi o‘yin arafasida o‘tkazilgan matbuot anjumanida jamoaning yangi futbolchisi Xvicha Kvarasxeliyaning borishi haqida gapirdi.
"Men undan mamnunman. Shubhasiz, unga moslashishi uchun vaqt kerak, lekin uning xatti-harakati va mashg‘ulotlardagi ishidan juda mamnunman. U uzoq muddatli o‘yinchi. Demak, shoshqaloqlik yo‘q", - deydi Enrike.
Ayni damda Kvarasxeliya parijliklar safida barcha turnirlarda to‘rtta o‘yin o‘tkazib, bitta gol va bitta golli uzatmani amalga oshirgan. Uning klub bilan shartnomasi 2029 yilgacha mo‘ljallangan.
