"Bavariya" qanot himoyachisi Alfonso Devis "Seltik"ka qarshi o‘yin (1:1) natijasi haqida fikr bildirdi. Kanadalik futbolchi 90+4-daqiqada gol urib, myunxenliklarni keyingi bosqichga olib chiqdi.

"Bu Chempionlar ligasi. Biz "Seltik"ka qarshi, kuchli jamoaga qarshi o‘ynadik. Ularning faol o‘ynashini bilardik, shuning uchun biz ham shunday o‘ynashimiz kerak edi. Bu futbol. Eng muhimi, biz keyingi bosqichga o‘tdik. Taqvimni hisobga olsak, bu oson bo‘lmadi. Menimcha, bir holatni hisobga olmaganda, biz yaxshi himoyalandik. Eng asosiysi 1/8 finalga chiqish edi," - dedi Devis.