"Бавария" қанот ҳимоячиси Альфонсо Дэвис "Селтик"ка қарши ўйин (1:1) натижаси ҳақида фикр билдирди. Канадалик футболчи 90+4-дақиқада гол уриб, мюнхенликларни кейинги босқичга олиб чиқди.
"Бу Чемпионлар лигаси. Биз "Селтик"ка қарши, кучли жамоага қарши ўйнадик. Уларнинг фаол ўйнашини билардик, шунинг учун биз ҳам шундай ўйнашимиз керак эди. Бу футбол. Энг муҳими, биз кейинги босқичга ўтдик. Тақвимни ҳисобга олсак, бу осон бўлмади. Менимча, бир ҳолатни ҳисобга олмаганда, биз яхши ҳимояландик. Энг асосийси 1/8 финалга чиқиш эди," - деди Дэвис.
