"Milan" hujumchi Rafael Leau bo‘yicha takliflarni eshitishga tayyor bo‘ladi. Bu haqda La Gazzetta dello Sport'ga tayanib, Transfer News Live xabar berdi. Qayd etilishicha, Leauga anchadan buyon "Barselona" va "Chelsi" kabi klublar qiziqish bildirmoqda.
Nufuzli Transfermarkt portali mutaxassislari 25 yoshli Leauni 75 million yevroga baholamoqda. Aslida esa, portugaliyalik futbolchining yozgi transfer bozoridagi narxi yuqoriroq bo‘ladi.
Avvalroq, matbuotda Leauni sotishdan tushgan puldan "Milan" Joau Feliksni "Chelsi"dan sotib olish uchun foydalanishi mumkinligi haqida xabar berilgandi.













