Mashhur murabbiy Maurisio Sarri "Lasio"ni tark etganidan keyin deyarli bir yildan beri klubsiz qolmoqda. 66 yoshli mutaxassis kelajagi mavzusi haqida fikr bildirdi.
"Bu davrda turli qit’alardan, hatto Saudiya Arabistonidan ham ko‘plab takliflar oldim. Lekin hozircha hech qanday taklif menga yoqmadi. Men ichimdagi uchqunni yoqib yuboradigan katta loyihaga ega bo‘lmoqchiman. Futbolning adrenalinini sog‘indim. Bu sportning transfer bozoridan tashqari hamma narsa meni o‘ziga tortadi", dedi Sarri.
Maurisio Sarri Italiyadan tashqarida faqat 2018/2019 yilgi mavsumda "Chelsi"da ishlagan.













