Машҳур мураббий Маурицио Сарри "Лацио"ни тарк этганидан кейин деярли бир йилдан бери клубсиз қолмоқда. 66 ёшли мутахассис келажаги мавзуси ҳақида фикр билдирди.
"Бу даврда турли қитъалардан, ҳатто Саудия Арабистонидан ҳам кўплаб таклифлар олдим. Лекин ҳозирча ҳеч қандай таклиф менга ёқмади. Мен ичимдаги учқунни ёқиб юборадиган катта лойиҳага эга бўлмоқчиман. Футболнинг адреналинини соғиндим. Бу спортнинг трансфер бозоридан ташқари ҳамма нарса мени ўзига тортади", деди Сарри.
Маурицио Сарри Италиядан ташқарида фақат 2018/2019 йилги мавсумда "Челси"да ишлаган.
