«Барселона» молиявий қийинчиликларга қарамай, ёзги трансферлар ойнасида бир қатор қимматбаҳо битимларни амалга ошириши мумкин. «Кўк-анорранглилар» Хулиан Альварес, Жоао Педро, Энтони Гордон ва бошқа юқори нархга эга футболчиларнинг трансферига даъвогарлик қилмоқда.
Журналист Ашраф бен Аяднинг хабар беришича, каталониялик гранд вакиллари аввал футболчиларнинг ўзлари билан шахсий келишувга эришиб, сўнгра клублари билан музокара бошлашни режалаштиришган. Бундай ёндашув каталонияликларга молиявий имкониятлари улардан анча юқори бўлган клублар билан курашда юлдузларни ўз сафига жалб қилишда ёрдам беради.
Эслатиб ўтамиз, «Барселона» ўтган мавсумда Ла Лига ва Испания Суперкубогида зафар қучган эди.
