Dortmundning “Borussiya” klubi hujumchisi Seru Girassi Bundesliga doirasidagi “Union Berlin”ga qarshi o‘yinda (6:0) 4 ta gol urdi.
Gvineyalik futbolchi shanba kuni bo‘lib o‘tgan uchrashuvning 40, 75, 80 va 83-daqiqalarida gol urishga muvaffaq bo‘ldi.
Opta ma’lumotlariga ko‘ra, Girassi joriy asr boshidan beri Erling Xoland va Pyer-Emerik Obameyangdan keyin Bundesliganing bitta o‘yinida to‘rtta gol urgan uchinchi "asalarilar" futbolchisi bo‘ldi.
Seru Girassi "Borussiya"da debyut mavsumini o‘tkazmoqda. Dortmundga o‘tishdan oldin 28 yoshli forvard "Shtutgart"da o‘ynagan.
