Дортмунднинг “Боруссия” клуби ҳужумчиси Серу Гирасси Бундеслига доирасидаги “Унион Берлин”га қарши ўйинда (6:0) 4 та гол урди.
Гвинеялик футболчи шанба куни бўлиб ўтган учрашувнинг 40, 75, 80 ва 83-дақиқаларида гол уришга муваффақ бўлди.
Opta маълумотларига кўра, Гирасси жорий аср бошидан бери Эрлинг Холанд ва Пьер-Эмерик Обамеянгдан кейин Бундеслиганинг битта ўйинида тўртта гол урган учинчи "асаларилар" футболчиси бўлди.
Серу Гирасси "Боруссия"да дебют мавсумини ўтказмоқда. Дортмундга ўтишдан олдин 28 ёшли форвард "Штутгарт"да ўйнаган.













