"Barselona" vingeri Lamin Yamal faoliyati davomida 50 ta golli harakat amalga oshirgan.
17 yoshli futbolchi "ko‘k-anorranglilar"ga La Liga safar o‘yinida "Las-Palmas"ni mag‘lub etishga yordam berdi va golli uzatma amalga oshirdi. Hozirda yosh yulduz klub va terma jamoa uchun barcha turnirlarda "gol+assist" tizimi bo‘yicha 50 ball to‘plagan. Futbolchi 29 marta jamoadoshlariga assistentlik qilgan bo‘lsa, 21 holatda o‘zi gol urgan.
"Barselona" "Las-Palmas"ni mag‘lub etdi (2:0) va Madridning "Real" klubidan 3 ochkoga o‘zib ketdi. "Qaymoqranglilar" o‘z o‘yinini yakshanba kuni o‘tkazadi - raqib "Jirona."
