Fransiyalik yarim himoyachi Orelyen Tchuameni "Real"da qoladigan bo‘ldi. «Marca» shunday ma’lumotlar bilan bo‘lishdi.

Manbaga ko‘ra, "Real" muxlislar tomonidan tanqid qilinayotgan 25 yoshli futbolchini sotish haqida hech qachon o‘ylamagan. Ta’kidlanishicha, "qaymoqranglilar" Tchuamenini jamoaning muhim qismi deb bilishadi, xavbekka rahbariyat va murabbiylar shtabi ishonadi.

Joriy mavsumda yarim himoyachi barcha musobaqalarda 32 ta o‘yinda maydonga tushdi va o‘z hisobiga bitta assist yozdirib qo‘ydi.