Франциялик ярим ҳимоячи Орельен Тчуамени "Реал"да қоладиган бўлди. «Marca» шундай маълумотлар билан бўлишди.
Манбага кўра, "Реал" мухлислар томонидан танқид қилинаётган 25 ёшли футболчини сотиш ҳақида ҳеч қачон ўйламаган. Таъкидланишича, "қаймоқранглилар" Тчуаменини жамоанинг муҳим қисми деб билишади, хавбекка раҳбарият ва мураббийлар штаби ишонади.
Жорий мавсумда ярим ҳимоячи барча мусобақаларда 32 та ўйинда майдонга тушди ва ўз ҳисобига битта ассист ёздириб қўйди.













