Milanning "Inter" klubi "Roma" forvardi Artyom Dovbikni o‘z safiga qo‘shib olish haqida o‘ylamoqda, deb xabar beradi Tuttomercatoweb.

"PSJ" milanliklar forvardi Markus Tyuramni o‘z safiga qo‘shib olishga harakat qilmoqda, shu bois klub futbolchini qo‘yib yuborishga intilmasa-da, unga o‘rinbosar topishga harakat qilmoqda.

Ehtimoliy nomzodlar "Lill"dan Jonatan Devid va "Nyukasl"dan Aleksander Isak edi, ammo ular qimmatlik qilishi mumkin, shuning uchun Franchesko Esposito ("Spesiya"), Niko Pas ("Komo") va Santyago Kastro ("Bolonya") kabi variantlar ham bor.

Shunga qaramay, so‘nggi paytlarda klubda Artyom Dovbik variantini tez-tez eslashmoqda. Tez orada "Inter" va "Roma" Davide Frattezi transferi bo‘yicha uchrashadi va bu muzokaralarda ukrainalik futbolchining transferi ham muhokama qilinishi mumkin.

Bu mavsumda Artyom 33 ta o‘yinda 13 ta gol urdi va 4 ta golli uzatmani amalga oshirdi.