"Manchester Siti"ning sobiq yarim himoyachisi, "Evro-2024" finalidan keyin Moskvada kaltlangan Namanganning "Navbahor" jamoasi sobiq ustozi Andrey Kanchelskis "Evro-Football.Ru" internet nashriga bergan intervyusida hamyurtimiz Abduqodir Husanovning ingliz klubidagi o‘yiniga baho berdi.

"Hozirgi kunda Markaziy Osiyoda iqtidorli futbolchilar ko‘p. Bu hudud futbolchilari yuqori saviyaga erishayotganiga hayron emasman. Husanovga jarohatlardan qochib, asosiy futbolchiga aylanishini tilayman. Ehtimol, u kelajak uchun ishga olingan va ertaga u muvaffaqiyatga erisha olmaydi. Balki Husanov asosiy tarkib futbolchisi ham bo‘lmagan, lekin ko‘p vaqtini zaxirada o‘tkazgan Zinchenko kabi "Manchester Siti"da o‘ynaydi. Garchi u haqida doimiy ravishda asosiy himoyachiga aylanib, o‘z salohiyatini yuzaga chiqarish arafasida ekanligi haqida gap-so‘zlar bo‘layotgan bo‘lsa-da. Zinchenko hozir "Arsenal"da o‘ynamoqda va endi u istiqbolli emas. Husanovaga ham dastlab tanqidiy baho beriladi. Bu transfer omadsiz bo‘lishi ham mumkin. Klublar transfer qarorlarida xato qilishadi. Ammo biz postsovet hududida prinsipial jihatdan yangi sifat darajasiga ko‘tarilayotgan futbolchilar o‘sib borayotganidan xursand bo‘lishimiz mumkin", — dedi Kanchelskis.