"Манчестер Сити"нинг собиқ ярим ҳимоячиси, "Евро-2024" финалидан кейин Москвада калтланган Наманганнинг "Навбаҳор" жамоаси собиқ устози Андрей Канчельскис "Евро-Фоотбалл.Ру" интернет нашрига берган интервьюсида ҳамюртимиз Абдуқодир Ҳусановнинг инглиз клубидаги ўйинига баҳо берди.

"Ҳозирги кунда Марказий Осиёда иқтидорли футболчилар кўп. Бу ҳудуд футболчилари юқори савияга эришаётганига ҳайрон эмасман. Ҳусановга жароҳатлардан қочиб, асосий футболчига айланишини тилайман. Эҳтимол, у келажак учун ишга олинган ва эртага у муваффақиятга эриша олмайди. Балки Ҳусанов асосий таркиб футболчиси ҳам бўлмаган, лекин кўп вақтини захирада ўтказган Зинченко каби "Манчестер Сити"да ўйнайди. Гарчи у ҳақида доимий равишда асосий ҳимоячига айланиб, ўз салоҳиятини юзага чиқариш арафасида эканлиги ҳақида гап-сўзлар бўлаётган бўлса-да. Зинченко ҳозир "Арсенал"да ўйнамоқда ва энди у истиқболли эмас. Ҳусановага ҳам дастлаб танқидий баҳо берилади. Бу трансфер омадсиз бўлиши ҳам мумкин. Клублар трансфер қарорларида хато қилишади. Аммо биз постсовет ҳудудида принципиал жиҳатдан янги сифат даражасига кўтарилаётган футболчилар ўсиб бораётганидан хурсанд бўлишимиз мумкин", — деди Канчельскис.