Madridning “Atletiko” klubi hujumchisi Xulian Alvares “Barselona”ga o‘tishi mumkin.

Bu haqda Fichajes xabar bermoqda. Manbaga ko‘ra, "Barselona" rahbariyati yuqori saviyali hujumchi sotib olmoqchi.

Manbaning ta’kidlashicha, klub Alvaresni "Barselona"ning hozirgi hujumkor modeli uchun ideal variant deb hisoblaydi.

Xabar qilinishicha, "Barselona" argentinalik futbolchi uchun 60 million yevrolik taklif tayyorlamoqda, "ko‘k-anorranglilar" bu kelishuvga Ferran Torresni qo‘shishni istamoqda.

Manbaning aniqlik kiritishicha, "Atletiko" Alvaresni qo‘yib yuborishni rejalashtirmayapti, ammo foydali taklif va Torresni qo‘lga kiritish istagi "matraschilar"ning qaroriga ta’sir qilishi mumkin.