Мадриднинг “Атлетико” клуби ҳужумчиси Хулиан Альварес “Барселона”га ўтиши мумкин.
Бу ҳақда Fichajes хабар бермоқда. Манбага кўра, "Барселона" раҳбарияти юқори савияли ҳужумчи сотиб олмоқчи.
Манбанинг таъкидлашича, клуб Альваресни "Барселона"нинг ҳозирги ҳужумкор модели учун идеал вариант деб ҳисоблайди.
Хабар қилинишича, "Барселона" аргентиналик футболчи учун 60 миллион евролик таклиф тайёрламоқда, "кўк-анорранглилар" бу келишувга Ферран Торресни қўшишни истамоқда.
Манбанинг аниқлик киритишича, "Атлетико" Альваресни қўйиб юборишни режалаштирмаяпти, аммо фойдали таклиф ва Торресни қўлга киритиш истаги "матрасчилар"нинг қарорига таъсир қилиши мумкин.
