Chorshanba kuni "PSJ" Chempionlar ligasi 1/8 finalining birinchi o‘yinida o‘z maydonida “Liverpul”ga 0:1 hisobida imkoniyatni boy berdi.

Parijliklar jamoasining rossiyalik darvozaboni Matvey Safonov natija borasida o‘z fikrlari bilan o‘rtoqlashdi.

"Kechagi his-tuyg‘ular so‘ndi va o‘yin natijasi qanchalik adolatsiz bo‘lganini tobora ko‘proq anglab yetmoqdaman.

Mening jamoam eng jangovar ruh bilan chiqdi. Tushundimki, bizning bosimimiz va g‘alaba qozonish istagimiz tufayli raqibimiz hech narsa ko‘rsata olmadi.

Ammo o‘yinning yakuniy hisobi 0:1 bo‘ldi", — deb yozdi Safonov.