Superliga jamoalarining 2025 yilgi rasmiy musobaqalari bugun start oldi. «Neftchi» esa chempionatning birinchi bahsini ertaga Toshkentda «Bunyodkor» klubi bilan o‘tkazadi. Bu jamoalar o‘rtasidagi bellashuvlar azaldan juda jiddiy va murosasiz kurash ostida o‘tib kelgan.

Qiziqarli statistika

Milliy chempionatimiz doirasida farg‘onaliklar «Bunyodkor» futbol klubi bilan 30 marta yuzlashgan. Bularning 8 tasida «Neftchi» qo‘li baland kelgan, 18 ta uchrashuvda «Bunyodkor» ustun bo‘lgan, 4 ta bellashuvda esa jamoalar murosa ko‘chasini tanlagan. To‘plar nisbati 23-43 toshkentliklar foydasiga.

«Neftchi» boshqaruviga Vitaliy Levchenko kelgach jamoa «Bunyodkor»ga qarshi Superliga va kubok o‘yinlari doirasida 6ta uchrashuv o‘tkazgan. Shulardan 4 tasida farg‘onaliklar g‘alaba qozonishgan, 1 ta durang va 1 ta mag‘lubiyat qayd etilgan.

2024 yil 3 noyabrda «Bunyodkor» klubi Farg‘onada «Neftchi»dan 2:1 hisobida mag‘lubiyatga uchragan bo‘lsa ham, keyingi 3 ta uchrashuvni mag‘lubiyatsiz yakunlagan. «Neftchi» jamoasi esa o‘tgan yil mavsumining so‘nggi 10 bahsini mag‘lubiyatsiz o‘tkazishga erishgan.

Jamoalarning Toshkentda bo‘lib o‘tgan oxirgi 5 uchrashuv natijalari quyidagicha:

01.06.2024. «Bunyodkor»-«Neftchi» - 0:3
28.10.2023. «Bunyodkor»-«Neftchi» - 2:1
08.09.2022. «Bunyodkor»-«Neftchi» - 1:2
12.07.2018. «Bunyodkor»-«Neftchi» - 2:1
15.09.2017. «Bunyodkor»-«Neftchi» - 2:0

Neftchi» FK matbuot xizmati