"Santos" hujumchisi Neymar Braziliya terma jamoasiga bir yarim yil ichida ilk chaqiruv olganiga munosabat bildirdi.
"Qaytganimdan xursandman!" - deb yozdi Neymar ijtimoiy tarmoqlarda.
Neymarning Braziliya terma jamoasidagi so‘nggi o‘yini 2023 yilning 18 oktyabrida bo‘lib o‘tgan. O‘shanda besh karra jahon chempioni JCH-2026 saralashida Urugvayga (0:2) yutqazgan, Neymar esa bir bo‘limni maydonda o‘tkazgandi. Umuman olganda, Neymar terma jamoa safida jami 128 ta o‘yin o‘tkazib, 79 ta gol urgan va 59 ta golli uzatmani amalga oshirgan.
