Rossiya chempionatining 20-turida "Spartak" safarda "Rubin"ga imkoniyatni boy berib qo‘ydi - 1:2.
Qozonliklar safida Mirlind Daku dubl qayd etdi. Ikkala golli vaziyatda ham unga Ruslan Bezrukov assistentlik qildi. "Qizil-oqlar"ning bitta javob goli Esekel Barko hisobiga yozildi, u penaltini aniq amalga oshirdi.
75-daqiqada Daku va "qizil-oqlar" himoyachisi Aleksis Duarte qizil kartochka olib, maydonni tark etishdi.
Qozonliklar safida o‘zbekistonlik markaziy himoyachi Rustam Ashurmatov zaxirada qoldirildi.
"Spartak" 40 ochko bilan RPL turnir jadvalida uchinchi o‘rinni saqlab turibdi. "Rubin" hisobida 29 ochko bor va ular sakkizinchi o‘ringa joylashgan. Keyingi turda Moskva jamoasi "Zenit"ga qarshi o‘ynaydi, Qozon klubi "Pari NN" bilan to‘qnash keladi. Ikkala o‘yin ham 16 mart kuni bo‘lib o‘tadi.













