Россия чемпионатининг 20-турида "Спартак" сафарда "Рубин"га имкониятни бой бериб қўйди - 1:2.
Қозонликлар сафида Мирлинд Даку дубль қайд этди. Иккала голли вазиятда ҳам унга Руслан Безруков ассистентлик қилди. "Қизил-оқлар"нинг битта жавоб голи Эсекель Барко ҳисобига ёзилди, у пенальтини аниқ амалга оширди.
75-дақиқада Даку ва "қизил-оқлар" ҳимоячиси Алексис Дуарте қизил карточка олиб, майдонни тарк этишди.
Қозонликлар сафида ўзбекистонлик марказий ҳимоячи Рустам Ашурматов захирада қолдирилди.
"Спартак" 40 очко билан РПЛ турнир жадвалида учинчи ўринни сақлаб турибди. "Рубин" ҳисобида 29 очко бор ва улар саккизинчи ўринга жойлашган. Кейинги турда Москва жамоаси "Зенит"га қарши ўйнайди, Қозон клуби "Пари НН" билан тўқнаш келади. Иккала ўйин ҳам 16 март куни бўлиб ўтади.
