SSKA yarim himoyachisi Abbosbek Fayzullayev klub matbuot xizmatiga bergan intervyusida O‘zbekistonda uning Moskva jamoasiga o‘tishini shubha ostiga olganlar haqida gapirdi.  

21 yoshli Fayzullayev 2023 yil yozidan beri «qizil-ko‘klar» safida harakat qilmoqda va jamoaning yetakchilaridan biriga aylandi.  

— Rostdan ham O‘zbekistonda ko‘pchilik seni Moskvaga ketishdan qaytarayotgani, u yerda yarim yil ham o‘ynay olmasligingni aytib, qaytib kelishingni kutayotgani haqiqatmi?  

— Yaqinlarim har doim meni qo‘llab-quvvatlaydi va ishonishadi. Ammo, ha, O‘zbekistonda ko‘pchilik, jumladan, ayrim murabbiylar ham: «U bunday darajani ko‘tara olmaydi va tezda qaytib keladi», — deb aytishgan. Bu gaplar menga qo‘shimcha motivasiya berdi. Men tavakkal qildim, garchi avvalida o‘ynab keta olmasligim haqida fikrlar bo‘lgan bo‘lsa ham. Lekin jamoaga tez moslashdim va tayyor ekanligimni tushundim. O‘ylaymanki, salbiy fikr bildirgan insonlarga o‘zimni isbotlay oldim.  

— Yangi jamoaga moslashishingda nimalar yordam berdi?  
— Har qanday jamoadagi eng muhim narsa — sen qanday qabul qilinishing. Men tezda moslashdim, shuningdek, rus tilini bilganim ham katta yordam berdi.