Diogo Jota Muhammad Salohning joriy mavsumdagi statistikasi haqida gapirdi.
"Liverpul" vingeri barcha musobaqalarda 41 ta o‘yinda 32 ta gol urdi va 22 ta golli uzatmani amalga oshirdi.
"Bu ajoyib. O‘ylaymanki, hozir odamlar hisoblashni deyarli to‘xtatdilar, chunki u shunchaki aql bovar qilmaydigan narsalarni qilyapti - oxir-oqibat biz yakuniy raqamlarni ko‘rib, hayratga tushamiz.
U, shubhasiz, men bilan birga o‘ynagan futbolchilar orasida eng ajoyib mavsumni o‘tkazayotgan futbolchilardan biri.
Albatta, u bizga ko‘p yordam berdi, chunki biz ko‘p narsada - vaziyatlar yaratishda, gol urishda yoki golli uzatmalarda unga tayanishimiz mumkinligini bilamiz.
Jamoada shunday o‘yinchi bo‘lgani yaxshi", - deydi "Liverpul" futbolchisi.
