"Manchester Yunayted" matbuot xizmati jamoa "Old Trafford" o‘rniga yangi stadion qurishni rejalashtirayotganini ma’lum qildi. "Qizil iblislar"ning yangi arenasi 100 ming tomoshabinga mo‘ljallangan bo‘ladi.
Ta’kidlash joizki, "Old Trafford" 1910 yildan beri "Manchester Yunayted"ning uy arenasi hisoblanadi. "Qizil iblislar" Angliyaning eng mashhur jamoalaridan biri sanaladi.
Hozirgi vaqtda "Manchester Yunayted" Angliya Premyer-ligasi turnir jadvalida 14-o‘rinni egallab turibdi. Klub ichki chempionatdagi navbatdagi o‘yinini "Lester"ga qarshi o‘tkazadi.
